GEGURITAN BAHASA JAWA (PITUTUR)

Atur kang nglantur
Salah kang kaprah
Tindakan kang nerak pranatan
Tingkah polah
Solah bowo lan trapsilo kang ora tumoto
Dadi ageman sadino-dino kadang taruna

Ngendelke kekancan neng pinggir dalan
Ugal-ugalan, kebut-kebutan
Ngunjuk miras lan narkoba
Dadi klangenan

Tobat-tobat soto babat

Kebat kliwat ora wedi kualat

Gawat wat gawat

Duh gusti kang akarya gung

Nyuwun sih kawelasan gusti

Kagem para kadang taruna

Lumunturing pitutur kang kumantil ing jiwa

Tutur kang nuntun kadang taruna

Marang gesang kang tumata

Murih miguna marang nusa lan bangsa

Nadyan metu saka wong sudra

Awit…

 

Pitutur bener iku

Sayektine apantes tiniru

Nadjan metu saka wong sudra pepeki

Lamun becik wuruk ipun

Iku pantes sira anggo.

Kebak tutur kang ora nglantur

Cetha tumatha, kados kawah candradimuka

Anggula wentah kadang taruna

Hiya ana ing

PRAMUKA.